(က) အရည်အချင်းပြည့်ဝသော ယာဉ်မောင်းများမွေးထုတ်ပေးခြင်းနှင့် ယာဉ်မောင်း လိုင်စင်များ စနစ်တကျ ထုတ်ပေးခြင်း။

ကုန်းလမ်းပို့ဆောင်ရေး ညွှန်ကြားမှု ဦးစီးဌာန၏ အဓိကရည်မှန်းချက် တာဝန်မှာ ယာဉ်အန္တရာယ်၊ လမ်းအန္တရာယ် ကင်းရှင်းရေး (Road Safety) ဖြစ်ပါသည်။ အဆိုပါ ရည်မှန်းချက်လုပ်ငန်း အောင်မြင်စေရေးအတွက် အကောင်အထည်ဖော် ဆောင်ရွက်ရန် ၁၉၆၄ ခုနှစ် မော်တော်ယာဉ်ဥပဒေ၊ ၁၉၈၉ခုနှစ် မော်တော်ယာဉ် နည်းဥပဒေများထုတ်ပြန်ထားပြီး၊ လုပ်ငန်း တာဝန် ကြီး(၄)ရပ်အဖြစ် မော်တော်ယာဉ်မောင်းလိုင်စင်များကို စစ်ဆေးပေးလျက် ဥပဒေ နှင့်အညီထုတ်ပေးခြင်း၊ လမ်းအသုံးပြုသူများ လိုက်နာရမည့် စည်းကမ်းများကို သက်ဆိုင်ရာဌာနများနှင့် ညှိနှိုင်း၍ ထုတ်ပြန်ခြင်းများ ရှိသော်လည်း ယာဉ် မောင်းများနှင့် လမ်းအသုံးပြုသူများသည် ယာဉ်စည်းကမ်း၊ လမ်းစည်းကမ်း လိုက်နာမှုမရှိခြင်း၊ စနစ်တကျ လေ့ကျင့်သင်ကြားမှုမရှိခြင်း၊ ပေါ့ဆစွာမောင်းနှင် သွားလာနေကြခြင်းတို့ကြောင့် ယာဉ်မတော်တဆမှုများ ဖြစ်ပွါးနေသည့်အတွက် အရည်အချင်းပြည့်ဝသော ယာဉ်မောင်းများ မွေးထုတ် ပေးရန်နှင့်ယာဉ်မောင်း လိုင်စင်များစနစ်တကျ ထုတ်ပေးရန် လိုအပ်လျှက် ရှိပါသည်။

( ခ) ယာဉ်မောင်းသင်တန်းကျောင်းများဖွင့်လှစ်သင်ကြားပေးခြင်း။

အရည်အချင်း ပြည့်ဝသော ယာဉ်မောင်းများ မွေးထုတ်ပေးနိုင်ရေး အတွက် ကုန်းလမ်းပို့ဆောင် ရေးညွှန်ကြားမှုဦးစီးဌာနအနေဖြင့် ယာဉ်မောင်း သင်တန်းကျောင်း ဖွင့်လှစ်သင်ကြား ပေးခြင်းနှင့် ပုဂ္ဂလိကယာဉ်မောင်း သင်တန်းကျောင်း များကိုလည်း ဖွင့်လှစ်မှတ်ပုံ တင်ပေးခြင်းများ ဆောင်ရွက် လျှက်ရှိပါသည်။

( ဂ ) ယာဉ်မောင်းသင်တန်းကျောင်းများ၏ အကျိုးသက်ရောက်မှု။

ယာဉ်မောင်း သင်တန်းကျောင်းမှ ယာဉ်မောင်းများအား စနစ်တကျ လေ့ကျင့်သင်ကြားပေး ခြင်းဖြင့်အောက်ပါ အကျိုးကျေးဇူးများ ရရှိပြီး အရည်အချင်းပြည့်ဝသော ယာဉ်မောင်းဖြစ်ရန် အထောက်အကူပြုပါသည်-

(၁) မော်တော်ယာဉ်အား အခြေခံကျကျ မောင်းနှင်ရန်အတွက် လေ့ကျင့် သင်ကြားမှုခံယူနိုင်ခြင်း။
(၂) ယာဉ်စည်းကမ်း၊ လမ်းစည်းကမ်းများကို နားလည်သိရှိစေခြင်း။
(၃) ယာဉ်စည်းကမ်း၊ လမ်းစည်းကမ်းများကို နားလည်သိရှိစေပြီး လိုက်နာ စေရန်အတွက် လေ့ကျင့်ပညာပေးမှုရရှိခြင်း။
(၄) ယာဉ်အန္တရာယ်၊ လမ်းအန္တရာယ် ကင်းဝေးစေရေးအတွက် အမြဲသတိ ရှိစေရန် အသိပညာရရှိခြင်း။
(၅ ) ယာဉ်ကိုမောင်းနှင်ရန် အခြေခံကျကျ သင်ယူခြင်းဖြင့် မော်တော်ယာဉ် ကို ကျွမ်းကျွမ်းကျင်ကျင် မောင်းနှင်နိုင်ပြီး မလိုလားအပ်သည့် ယာဉ် တိုက်ခိုက်မှုအန္တရာယ်ကို ကာကွယ်နိုင်ခြင်း။
(၆ ) ယာဉ်စည်းကမ်း၊ လမ်းစည်းကမ်းကို နားလည်သိရှိလိုက်နာပြီး မော်တော်ယာဉ်ကို ကျွမ်းကျင်စွာ မောင်းနှင်နိုင်သည့် ယာဉ်မောင်း ကောင်းများ မွေး ထုတ်ပေးနိုင်ခြင်း။

၂၀၁၃ခုနှစ်၊ ဇန်နဝါရီလမှ ဒီဇင်ဘာလအထိ ပြည်နယ်/တိုင်းဒေသကြီးနှင့် ခရိုင်ရုံးများအလိုက် ယာဉ်စည်းကမ်း၊ လမ်းစည်းကမ်း အသိပညာပေး ဟောပြောခြင်း အကြိမ်အရေအတွက်